Orføraren sin opningstale

Minister og alle gjester velkomen til Stegastein

Fyll lungene med fjell-lufta  klår, nyvaska og rein

Her er det jobba med maskiner, og spade  og spett

Murar og lim treverk er langs Bjørgavegen sett

Snøvegen mellom Lærdalsøyri og Aurlandsvangen

Dei ante det ikkje i kommunestyret den gangen

At det no vert Turistveg med ny nye attraksjonar

Med investeringar på fleire 10-tals millionar

Det skal byggjast vidare på fleire flotte plassar

Stadar med benkjer, bord og moderne dassar

Midt i villreinens gamle og hevdvunne rike

Kan turistar snart sitja og kosa seg og kike

På isbrear og fjellvatn og høge fjell

medan sola går ned    -    seint på kveld

I dag skal første opningsseremonien  skje

Og snart kan me utpå her og kika ned

På Aurland kommune sitt markerte hjarte

Der ei historisk vandring sidan kan starte

Kyrkja og naustet og lokalhistorisk senter

Er fylt med klenodiar og gamle dokumenter

Og badelaguna med si solfylte strand

Gjev kjensle av å vera i eit varmare land

Når du har rusla rusla litt rundt og kome til ro

Kan du gå og kjøpa deg Aurlandsko

Lyft  blikket til fjorden og fjella i vest

Så ser du det som eg skryter av mest

Ein fjordnatur av det vakraste på jorda

Ja, i UNESCO- møtet vart sagt desse orda

Til Nærøyfjorden med Dyrdal, Styvi og Bakka

Kjem snart dronning Sonja med fylgje for å takka  

For at fjordane er innskrivne på ei liste

Med naturområder som verda ikkje kan miste

Søndagsturen må ikkje takast på slump

Køyr mot Lærdalsøyri over hole og hump

Nyt natur og senter for kyrkje og laks

Sidan pass deg i tunnelen – stol ikkje på flaks

Alt ligg til rettes – turistar kan strøyma

Men me må for all del ikkje gløyma

At dette og er driftsveg for mange gardar

De må rusta opp vegen og førebygga farar

For å unngå trafikk-kork og harde ord

Skulle nok utbetringa  ha starta i fjor

Olav Ellingsen, ordførar i Aurland kommune