Vatnahalsen haldeplass: 

Vatnahalsen haldeplass vart bygd i 1940 og ligg 811 m.o.h. Haldeplassen ligg 1 km frå Myrdal og 19 km frå Flåm stasjon. Den er ubemanna.

Flåmsdalen: 

Flåmsdalen er ein 18km lang og trong dal i Aurland kommune

(Sogn & Fjordane). Den strekker seg frå botnen av Aurlandsfjorden innover bratte fjell og topper til Myrdal stasjon, som er ein av stasjonane ved Bergensbana.

Ved fjorden er dalen open og har veldyrka jord. Oppover dalen er busetnadane spreidd. Gjennom Flåmsdalen renn Flåmselva. Frå Myrdal stasjon, som ligg på Bergensbana og ned til Flåm stasjon som ligg i Aurlandsfjorden, ein arm av Sognefjorden er det 20,4 km. Bana vart påbyrja 1922-23.

Den vart opna for dampdrift i 1942 og elektrisk drift i 1949. Største stigning på Flåmsbana er 55% eller 1m på 18m. Det er 21 tunnelar på Flåmsbana og ein av dei er ein såkalla vendetunnel. Flåmsbana får som nemnt elektrisk straum frå Reinungavatnet.

 Rallarvegen: 

Rallarvegen er ein 80km lang sykkelveg frå Haugastøl – Finse – Hallingskeid om Vatnahalsen til Flå, i tillegg kjem 43 km på vestsida  av Gravhalstunnelen frå Upsete ned Raundalen  til Voss. Men det er vel eigentleg turen frå Finse til Flåm folk reknar som Rallarvegen. Rallarvegen er eit kulturhistorisk minnesmerke. Når du går eller syklar Rallarvegen vil du heile tida ha kontakt med Bergensbana som vart opna i 1909. Langs vegen vil du og oppleve fleire verneverdige bygningar og vaktarbustader. Desse er for det meste er eigd av NSB, og skilta med namn og byggeår.

Vatnahalsen:

Vatnahalsen Høgfjellshotell vart bygd i 1896 av Dr. Fretheim. Hotellet vart bygd som sanatorium, men det vart nytta som overnatting i samband med bygginga av Bergensbana fram til 1909. Tidleg på 1900 talet fann utanlandske turistar vegen til Vatnahalsen Høgfjellshotell. Det fyrste hotellet på Vatnahalsen, som vart bygd i ein nydeleg sveitserstil, brann ned under krigen. Det vart bygd opp eit nytt hotell i 1953, og det kom eit tilbygg til dette hotellet i 1970. Det kom endå eit tilbygg i 1979.

I dag har Vatnahalsen Høgfjellshotell 41 rom med 76 overnattingsplassar. Hotellet har matsal, seminar/kurslokale, grøn salong, dansesalong, biljardrom, tv-salong, bar, badstue, utandørs salong og utandørs symjebasseng.

Reinungavatnet som ligg på Vatnahalsen forsyner Flåmsdalen med vatn,  og er grunnlaget for Flåmsbana.